-
Ākonga
He here ngaio tā te hunga kaiako ki te whanake, ki te tiaki hoki i ngā hononga ngaio ki ngā ākonga i runga i ngā aronga whai hua mō aua ākonga tonu.
-
Mātua/Kaitiaki me te Whānau
Ka whakarato mea angitu ngā īpae ki te ao hei mahi ngātahi, hei whakawhiti kōrero me ngā mātua, me ngā whānau hoki.
-
Hapori me te Porihanga
Mā ngā kaiako e whakatauira atu i ngā whakamahinga īpae ki te ao me te whakatipu ākonga hei hāpai i ngā uara tika, whakaute hoki i ā rātou ake whakawhitinga kōrero mā aua īpae rā ki te ao.
-
Umanga Whakaako
Hei mema o te umanga, me whai wāhi ai koe ki te kimi, ki te urupare hoki ki ngā āhua hei tuari mātauranga, hei matapaki kōrero hoki.
Hei mua rawa, i te wā hoki, o tō whakamahi i ngā īpae kōrero ki te ao i roto i āu mahi, i ōu āhua whaiaro hoki, kia maharatia ake e koe
Tiakina ngā takiwā e tika ana
Kia whakamana, kia whakaaroaro hoki i
- ngā tirohanga me ngā whakaaro ake o ō hoa mahi, āu ākonga, me ngā mātua/kaitiaki hoki
- te tikanga matawhāiti o ōu rōpū me ngā mea ka tuari atu koe
Kia mārama kau ake ki
- te take o āu whakawhitiwhitinga ki runga i ngā īpae kōrero
- te āhua o te mau roa o ngā tūranga ipurangi ka whakaritea e koe mō ngā take whakaako, ako hoki
- ngā āhua me matua whiwhi whakaaetanga a ngā ākonga, ngā hoa mahi, me ngā mātua/kaitiaki
Kia areare ki te ako mā te
- whaiwhai painga i te mōhiotanga me te matatau o ō hoa mahi
- rapu aratohu i tētahi kaiārahi ngaio i te wā tonu o te pā māharahara ki a koe
Kia mataara koe ki te pūmau me te tino āhei o te tuari noa i āu tukunga
Kia haepapa koe, kia tū whakatauira koe mō āu ākonga, me ōu hoa mahi hoki mā te
- āhua mārakerake me te tū tika mō tō ake tuakiritanga ki te ipurangi
- pupuri tonu i te mana o tāu i hanga ai
- tiaki i ō ake whakaritenga matawhāiti kia hou tonu, kia tika tonu