He Aratohu mō te Whakamahi Matatika i te Īpae Kōrero ki te Ao


  • Ākonga

    He here ngaio tā te hunga kaiako ki te whanake, ki te tiaki hoki i ngā hononga ngaio ki ngā ākonga i runga i ngā aronga whai hua mō aua ākonga tonu.

  • Mātua/Kaitiaki me te Whānau

    Ka whakarato mea angitu ngā īpae ki te ao hei mahi ngātahi, hei whakawhiti kōrero me ngā mātua, me ngā whānau hoki.

  • Hapori me te Porihanga

    Mā ngā kaiako e whakatauira atu i ngā whakamahinga īpae ki te ao me te whakatipu ākonga hei hāpai i ngā uara tika, whakaute hoki i ā rātou ake whakawhitinga kōrero mā aua īpae rā ki te ao.

  • Umanga Whakaako

    Hei mema o te umanga, me whai wāhi ai koe ki te kimi, ki te urupare hoki ki ngā āhua hei tuari mātauranga, hei matapaki kōrero hoki.

He tīwhiri kia mōhio, kia whakahaere i ngā raruraru matatika i te wā ka whakamahia ngā īpae kōrero ki te ao

Ka tauwhi ngā īpae kōrero i ngā hangarau ā-ipurangi, ā-waea pūkoro hoki hei whakahaere i ngā tūmomo whitiwhitinga kōrero i waenga rōpū, hapori, me ngā tāngata takitahi tonu.

Ka whai pānga Ngā Tikanga Matatika mō Ngā Pouako kua Rēhitatia a te Pouherenga Kaiako o Aotearoa i ngā wā katoa tae atu ki ngā mahinga o ngā īpae kōrero ki te ao. Ko roto i aua Tikanga Matatika ka whai herenga te hunga kaiako ki: ngā ākonga;  ngā mātua/kaitiaki me ngā whānau; te hapori; me te umanga whakaako.

Hei tōna wā pea ka tupono koe ki tētahi raruraru matatika i a koe e whakamahi ana i ngā īpae kōrero ki reira ngaua ai tō hononga ki t/ētahi o ērā rōpū. Ko te whāinga o ēnei aratohu, he tautoko i te matapakinga ngaio me te māramatanga ngaio hoki – ehara kē i te tohutohu kia pēnei koe, kia kore rānei e pērā kē.