Te Here ki ngā Ākonga


  • Ākonga

    He here ngaio tā te hunga kaiako ki te whanake, ki te tiaki hoki i ngā hononga ngaio ki ngā ākonga i runga i ngā aronga whai hua mō aua ākonga tonu.

  • Mātua/Kaitiaki me te Whānau

    Ka whakarato mea angitu ngā īpae ki te ao hei mahi ngātahi, hei whakawhiti kōrero me ngā mātua, me ngā whānau hoki.

  • Hapori me te Porihanga

    Mā ngā kaiako e whakatauira atu i ngā whakamahinga īpae ki te ao me te whakatipu ākonga hei hāpai i ngā uara tika, whakaute hoki i ā rātou ake whakawhitinga kōrero mā aua īpae rā ki te ao.

  • Umanga Whakaako

    Hei mema o te umanga, me whai wāhi ai koe ki te kimi, ki te urupare hoki ki ngā āhua hei tuari mātauranga, hei matapaki kōrero hoki.

He here ngaio tā te hunga kaiako ki te whanake, ki te tiaki hoki i ngā hononga ngaio ki ngā ākonga i runga i ngā aronga whai hua mō aua ākonga tonu. Ko te kaiako e mōhio ana ki ngā īpae ki te ao me te mea he pūkenga ōna, he māia ia ki ērā whakamahinga ka tū tauira mō āna ākonga, ā, ka whakahau kia tangata whenua ai rātou ki tēnei ao mamati.

  • I mua i ngā whakawhitinga kōrero tētahi ki tētahi ki runga īpae, whakaarotia ngā tūpono matatika tērā pea ka puta. Kia rite pērā tāu mahi īpae ki tāu mahi kōrero kanohi-ki-te-kanohi.
  • Āta whakaarotia te wairua me te kiko o āu tukunga, āu karere rānei i te wā ka whakamahia īpae hei taputapu whakaako – whakaarotia ka pēhea te whakataurite i tō whakaatu i a koe ki te taiao akoako ā-tinana
  • Whakamahia ai tētahi pūnaha īpae, whakaarotia te whakatū i ētahi rōpū motuhake mō tēnā take ako, mō tēnā take ako. Whakawehea tāu whakamahinga īpae kia noho motuhake te whakamahinga tūmataiti i te whakamahinga ngaio.
  • Mehemea ka whakapā te hunga ākonga ki a koe mā runga īpae ki te tono āwhina, tono tohutohu rānei e pā ana ki ngā take whaiaro, ehara ngā īpae ki te ao i te waka tika hei whakarato āwhina. Whakaarotia kia aratohu atu i a rātou ki ngā kaupapa āwhina tika, pērā i te Guidance Councillor, i te hunga aratohu kei tō rātou kura/pokapū. Whāia ngā kaupapa here o tō kura, tō pokapū rānei mō te waihanga i ngā pārongo ka whakapuakina ki a koe hei kaiako.
  • Whakamahia ai ngā īpae ki te ao mō te ako, whakaarotia tāu aroturuki kiko kia ū tonu ai ngā tukunga me ngā whitiwhitinga ki te kaupapa. Tērā pea kia mutu te kaupapa, te aronui rānei, ka pīrangi koe ki te whakakore i te rōpū kia kore e tū noa iho tētahi wāhi ki ngā whitiwhitinga kōrero o kaupapa kē e haere ake nei.
  • Kia maumahara, kia whakatū koe i tētahi wāhi ipurangi pērā i tētahi rōpū, he tuhinga rānei, ka tū tonu koe hei 'kaipupuri', hei kaiwhakahaere rānei. Ko te tikanga o tēnei me tino tūpato koe i te wā tuku mana whakatika ki tangata kē.
Mātakitakina ataata
He pātai kia whakaarohia tonutia
  1. Mō āhea kitea tuatahitia e Matua Kingi tētahi raruraru matatika e takoto mai ana?
  2. Whakarārangitia ngā wā katoa ka tutū ngā pihi whakaaraara a Matua Kingi?
  3. Ki ō whakaaro e pā ana ki ngā mahi a Matua Kingi, ka pēhea kē te tirohanga iho .....
    a tētahi matua?
    a tētahi tangata kē o te hapori?
    a ōna hoa mahi?
  4. He aha pea he mahi mā Matua Kingi hei whakamarumaru ake i a ia anō?
  5. He aha hoki te momo kaupapa here a ngā kura hei anga haumaru, hei anga whakaarai i ēnei tūāhua?

Tangohia, kapohia ēnei pātai

Mātakitakina ataata

Download an English transcript of this video:

He pātai kia whakaarohia tonutia
  1. He aha ētahi matawaenga matatika e whai pānga mai?
  2. He aha ētahi wharanga ka tūpono pea ki te ākonga?
  3. Nō nāhea kitea ai e Matua Kere he take matatika ki reira, māna e ahatia ai?
  4. Ka whakaaro pēhea nei te pāpā o te ākonga ina ka mōhio ia i te tākaro tahi a Matua Kere me tāna tamaiti ki runga ipurangi?
  5. Ki ōu ake whakaaro, ka pēhea hoki ngā waiaro o te tumuaki me ngā hoa whakaaro ki tērā tūāhua?

Tangohia, kapohia ēnei pātai